जेलमा रहेका पूर्व थाइ प्रधानमन्त्री थाक्सिन रिहा हुने

बैंकक– थाइल्यान्डका पूर्व प्रधानमन्त्री थाक्सिन सिनावात्रालाई चाँडै रिहा गर्ने तयारी गरिएको  न्याय मन्त्री तावी सोड्सोङले बताएका छन् ।  

मंगलबार मन्त्रिमण्डलको बैठकमा भाग लिनुअघि तावीले पत्रकारहरूसँग  थाक्सिन यस महिना जेल बाट छुटकारा पाउनका लागि  स्वीकृत नौ सय ३० कैदीहरू मध्ये  एक  जना भएको बताए । ७४ वर्षीय थाक्सिन ७० वर्षभन्दा माथिको तथा गम्भीर रोगको बिरामी भएका कारण जेल मुक्तिको  लागि सुचिबद्ध भएका उनको भनाई छ । 

करिव छ महिना जेल सजाय भोगिसकेका थाक्सिन फेब्रुअरी १७ मा  रिहा हुने अपेक्षा गरिएको छ ।

ताहसिनल  १५ वर्षभन्दा बढीको निर्वासन समाप्त गरेर गत वर्ष अगस्टमा थाइल्यान्ड फर्किएका थिए । उनलाई हिरासतमा लगेर विभिन्न अभियोगमा आठ वर्षको जेल सजाय सुनाइएको थियो । यद्यपि, अस्वस्थताका कारण उनलाई छोटो समयमै बैंककको जेलबाट अस्पतालमा सारे देखि अस्पतालमा नै रहेको बताईएको छ । 

 गत सेप्टेम्बरमा, थाइ राजा महा भाजिरालोङ्र्नले शाही माफीको लागि अनुरोध गरेपछि थाक्सिनको जेल सजाय एक वर्षमा घटेको थियो ।थाक्सिनले सन् २००१  देखि २००६  सम्म दक्षिणपूर्वी एसियाली देशको प्रधानमन्त्रीको रूपमा सेवा गरी सन् २००८  स्व–निर्वासनमा रहेका थिए ।