वेस्ट इन्डिज ‘ए’ विरुद्ध रोहित पौडेलको अर्धशतक

काठमाडौं- स्वेष्टइण्डिज ‘ए’ विरुद्ध​को टी–ट्वेन्टी सिरिज अन्तर्गत चौथो खेलमा नेपालका क्याप्टेन रोहित पौडेलले अर्धशतक प्रहार गरेका छन्।

३४ बलमा अर्धशतक प्रहार गर्ने क्रममा रोहितले ६ चौका र २ छक्का प्रहार गरे।

सुरुमा लगातार विकेट गुमाएको नेपालको पारी रोहितले सम्हाल्ने प्रयास गरिरहेका छन्। ओपनर आसिफ शेखलाई शून्यमा गुमाएको नेपालले त्यसपछि लगातार दुई विकेट गुमाएको थियो। कुशल भुर्तेल एक र कुशल मल्ल ४ रनमा आउट भए।

त्रिवि क्रिकेट मैदानमा जारी खेलमा नेपाल २ सय १० रनको विशाल लक्ष्य पछ्याइरहेको हो।