'डढेलो निभाउन सघाउने' सिम्रिक एयरको प्रतिबद्धता
!['डढेलो निभाउन सघाउने' सिम्रिक एयरको प्रतिबद्धता](https://snowberry.prixacdn.net/media/gallery_folder/Simrik%252520air_H5iChsjGob_rtqtmobc5wjyu2k8vgtexpc1i2oagsvdwc0ymv32lpclruoqnekdjygwlwiz_RaIAuBQgJR_kzkh22o7zymabqbpgn3ppjtaxw6fy3kvaafstcpnym7nkveu3avbzxi3zgsi_ZdvRbuxTTN_0zucfoz99p4pbnjegowyg8ifxpek3aydmjoxcgs0psnosndbnp1zqdg2tmdq_jXLn71559O_3487i7qi6hrruzzivtgxg473ec5cah4q85xv3k5z9bvnis9nbgmcqpiuci6w.jpg)
काठमाडौँ - निजी क्षेत्रको हेलिकप्टर कम्पनी सिम्रिक एयरले देशका विभिन्न भागका वनमा लागेको आगो निभागउन सक्दो सहयोग गर्ने प्रतिबद्धता व्यक्त गरेको छ ।
सिम्रिक एयरका महाप्रबन्धक मुरलीधर जोशीले आगो निभाउन सरकारले हेलिकप्टर माग गरेमा सहयोग गर्न कम्पनी तयार रहेको राससलाई बताउनुभयो । उहाँले भन्नुभयो, “डढेलो नियन्त्रणका लागि हाम्रा हेलिकप्टर प्रयोग गर्न सकिन्छ ।
आफ्नो कम्पनीका हेलिकप्टरमार्फत ‘बम्बी बकेट’ प्रणालीअनुसार जङ्गलमा लागेको आगो निभाउन सकिने बताउँदै उहाँले पाथिभरा, लुक्ला, तनहुँ, काठमाडौँको शिवपुरी, बालाजु औद्योगिक क्षेत्रलगायत स्थानमा आगलागी हुँदा सोही प्रणालीबाट आगो निभाइएको जानकारी दिनुभयो ।
कम्पनीले विगतमा आफ्नो सामाजिक उत्तरदायित्वअन्तर्गत हेलिकप्टर प्रयोग गरी आगो निभाएको महाप्रबन्धक जोशीले बताउनुभयो । उहाँले देशका सबै पालिकालाई पानीको स्रोत व्यवस्थापन गर्न अनुरोध गर्नुभयो ।
राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार शुक्रबार ५३ जिल्लाका चार सय ३६ वनमा डढेलो सल्केको थियो ।
प्रतिक्रिया