.png)
प्रधानमन्त्रीले छलफलका लागि बोलाए कांग्रेसलाई
जेठ ०४, २०८१, शुक्रबार
काठमाडौं– प्रधानमन्त्री पुष्पकमल दाहाल प्रचण्डले प्रमुख प्रतिपक्षी नेपाली कांग्रेसलाई छलफलका लागि बोलाएका छन् ।
संसद्मा जारी गतिरोध अन्त्यको प्रयास स्वरुप उनले संसद्मा आन्दोलनरत प्रतिपक्षी कांग्रेसलाई छलफलका लागि बोलाएका हुन् ।
प्रधानमन्त्री प्रचण्डले शुक्रबार बेलुकी ६ बजेका लागि बालुवाटारमा बोलाएको कांग्रेसका एक पदाधिकारीले जानकारी दिए ।
कांग्रेस प्रमुख सचेतक रमेश लेखकले पनि प्रधानमन्त्रीले छलफलका लागि बोलाएको पुष्टि गरे ।
‘छलफलका लागि प्रधानमन्त्रीले बोलाउनुभएको भन्ने कुरा सुन्नमा आएको छ,’ उनले खबरहबसँग भने ।
यसअघि कांग्रेसले बोलाएको प्रतिपक्षी दलहरूको संयुक्त बैठकले सहकारी ठगी प्रकरणमा संलग्न भनिएका गृहमन्त्री रवि लामिछानेमाथि छानबिनका लागि संसदीय समिति गठन गरिनुपर्ने निष्कर्ष निकालेका थिए ।
प्रतिक्रिया