निजी क्षेत्रसँगको सहकार्यले विकासमा प्रतिफल : मुख्यमन्त्री कँडेल
![निजी क्षेत्रसँगको सहकार्यले विकासमा प्रतिफल : मुख्यमन्त्री कँडेल](https://snowberry.prixacdn.net/media/gallery_folder/YAMLAL%25252520KADEL_IzrHg68Zr1_jkxwgzp9s5cg32rtofmtafxudnzii7r8tal5r4qecb1uplat5ry9kcpqu0hy_VagP4DCo3M_ammik1k6hvkpgnfhqquuvadqxf0qmosomrpq7cqkf9tansxtgebtc6iatgwu_alE5GCFoRg_fykajzfkbpil31af1hz3at4c7vloagxunsudjwbj6qyqexv71jmxbcxyfyjz_1lGeoXcu2Y_1k9bar8ruwlytodrs6t2cpkmfbjd5hpz7buzdkq2p4zowyrmn2mxl83di6r5_M2rvjmEqGd_pkpulri3hieglv4drrndxi0w9ddakzrozvv5o3xq4bceleqdtmjbyd8d6ato.jpg)
सुर्खेत– कर्णाली प्रदेशका मुख्यमन्त्री यामलाल कँडेलले निजी क्षेत्रसँगको सहकार्यले नै विकासको प्रतिफल आउने बताएका छन् ।
सुर्खेतस्थित बुलबुले तालमा आज मोटरबोटको औपचारिक उद्घाटन गर्दै उनले कर्णालीमा रहेका सम्भावनालाई साकार पार्न सबै मिलेर अगाडि बढ्नुको विकल्प नभएको बताए ।
मुख्यमन्त्री कँडेलले सरकारले बजेट हेरेर कार्यक्रम बनाउने प्रवृतिले प्रतिफल आउन नसकेको धारणा राखे ।
‘कार्यक्रम र आवश्यकता हेरेर बजेट बनाउनुपर्ने हो तर बजेट हेरेर कार्यक्रम बनाउन लागिएकाले समस्या भइरहेको छ । कर्णालीमा गर्नुपर्ने काम धेरै बाँकी छन्, त्यसैले अब स्रोतसाधन र आवश्यकतालाई ख्याल गरेर आशा जगाउने गरी काम गर्नुपर्ने आवश्यकता छ’, मुख्यमन्त्री कँडेलले भने ।
उनले कर्णालीमा पर्यटन प्रवर्द्धन गर्न बुलबुले ताल तथा समग्र क्षेत्रको विकासका लागि आफ्नो ध्यान केन्द्रीत भएको बताए । कर्णालीको परिचय बदल्न अब सबै एकताबद्ध हुनुपर्ने उनको भनाइ थियो ।
प्रतिक्रिया