गृहमन्त्री लामिछानेविरुद्धको रिटमा आज सुनुवाइ हुँदै
![गृहमन्त्री लामिछानेविरुद्धको रिटमा आज सुनुवाइ हुँदै](https://snowberry.prixacdn.net/media/gallery_folder/Supreme_court_EaJhM7RfRW_hrhmudsgeawtv9sv7lvnn2qkcblr3knme3erhfsvvsqzqhzvf0kudfcbhadk_4lIZP0YKko_he5j5u933xk4sd5htcwq7orccsyatvqkdatxmsthgxbubrk5arrhaugj85me_x7Ul1SsRAp_rzaahgcdcjrnqxma6xiuphlhjp33nuj2glfopmhgh4un21aoqgfo3baq4jz3_2BgpEp6yXf_3776r0j3u4u8rvbhuq3ytxgc2o8oqoppavbc4371sw42vzpfivvrbybmfz24_K7MbKjLC0r_qspo5dpjjtfbxekzu7ompwyyty8xgbjnqxql4yfns7gkm6heirwss0c3otqg.gif)
काठमाडौं– उपप्रधान तथा गृहमन्त्री रवि लामिछानेविरुद्धको रिटमा आज सर्वोच्च अदालतमा सुनुवाइ हुँदैछ ।
अधिवक्ता अनुपम भट्टराईले दर्ता गरेको रिटमा आज सुनुवाइ हुन लागेको हो । अधिवक्ता भट्टराईले गृहमन्त्री लामिछाने पदमा रहेर सहकारी ठगीको छानबिन निष्पक्ष नहुने भनी निलम्बनको माग गर्दै सर्वोच्चमा रिट दायर गरेका थिए ।
यसअघि जेठ २८ गते न्यायाधीशद्वय मनोजकुमार शर्मा र तिलप्रसाद श्रेष्ठको इजलासले गृहमन्त्री लामिछानेलाई निलम्बन गर्न माग गरिएको रिटमा रूपन्देही जिल्ला अदालतमा दायर भएको अभियोग पत्र मगाउने आदेश गरेको थियो ।
बहसका क्रममा निवेदकहरूले गृहमन्त्री लामिछानेविरुद्ध रूपन्देही जिल्ला अदालतमा दर्ता भएको अभियोग पत्रमा नाम उल्लेख भएको र उनले लिएको ऋणसमेत उल्लेख भएको जिकिर गरेका थिए ।
न्यायाधीशद्वय शर्मा र श्रेष्ठको इजलासले जितेन्द्रबाबु राई समेत भएको सहकारी ठगी विवाद सम्बन्धी मिसिल झिकाएर पूर्व आदेशअनुसार अग्राधिकार समेत दिने आदेशमा उल्लेख गरेको छ ।
लामिछानेविरुद्ध सहकारी ठगीको कुनै मुद्दा छैन भन्ने महान्यायाधिवक्ता कार्यालयको पत्र खारेज गर्न समेत माग गरिएको छ ।
रिटमा महान्यायाधिवक्ता कार्यालय, महान्यायाधिवक्ता दिनमणि पोखरेल र गृहमन्त्री लामिछानेलाई विपक्षी बनाइएको छ।
प्रतिक्रिया