गृहमन्त्री लामिछानेविरुद्ध मुद्दाको सुनुवाइ आज हुँदै
![गृहमन्त्री लामिछानेविरुद्ध मुद्दाको सुनुवाइ आज हुँदै](https://snowberry.prixacdn.net/media/gallery_folder/Supreme_court_EaJhM7RfRW_hrhmudsgeawtv9sv7lvnn2qkcblr3knme3erhfsvvsqzqhzvf0kudfcbhadk_4lIZP0YKko_he5j5u933xk4sd5htcwq7orccsyatvqkdatxmsthgxbubrk5arrhaugj85me_x7Ul1SsRAp_rzaahgcdcjrnqxma6xiuphlhjp33nuj2glfopmhgh4un21aoqgfo3baq4jz3_2BgpEp6yXf_3776r0j3u4u8rvbhuq3ytxgc2o8oqoppavbc4371sw42vzpfivvrbybmfz24_MEiFDuDrSp_3jsjoienshcjlqiuhfr1djaqpe1yd1w4qnqdrkci1rpvybq35uy0e7o4cj5b_w8tqyq2xn9_uoyzp09u9fcv0jl64fhaztnzjjkb0idit2g6gr6w1xjoo1cotnlmhcjdxcyj.gif)
काठमाडौं– उपप्रधान तथा गृहमन्त्री रवि लामिछानेविरुद्धको रिटमा आज सर्वोच्च अदालतमा सुनुवाइ हुँदैछ । अधिवक्ता अनुपम भट्टराईले दर्ता गरेको रिटमा आज सुनुवाइ हुन लागेको हो ।
यसअघि असार ७ गते न्यायाधीशद्वय सपना प्रधान मल्ल र शारंगा सुवेदीको संयुक्त इजलासमा परेको रिटमाथिको सुनुवाइ नसकिएपछि ‘हेर्दाहेर्दै’मा राखिएको थियो ।
अधिवक्ता भट्टराईले गृहमन्त्री लामिछाने पदमा रहेर सहकारी ठगीको छानबिन निष्पक्ष नहुने भनी निलम्बनको माग गर्दै सर्वोच्चमा रिट दायर गरेका थिए ।
रिटमा लामिछानेविरुद्ध सहकारी ठगीको कुनै मुद्दा छैन भन्ने महान्यायाधिवक्ता कार्यालयको पत्र खारेज गर्न समेत माग गरिएको छ ।
रिटमा महान्यायाधिवक्ता कार्यालय, महान्यायाधिवक्ता दिनमणि पोखरेल र गृहमन्त्री लामिछानेलाई विपक्षी बनाइएको छ।
प्रतिक्रिया