सुर्खेतमा घर भत्किँदा एक किशोरी घाइते

काठमाडौँ– कर्णाली प्रदेशको राजधानी सुर्खेतमा पर्ने वीरेनद्रनगर नगरपालिका–१३ मा वर्षातका कारण एक घर भत्किएको छ ।

वडा नम्बर १३ करेखोलामा स्थानीय खम्म बुढाको कच्ची घर वर्षातका कारण भत्किएको हो । वर्षातका कारण घर भत्किँदा बुढाकी अन्दाजी १५ वर्षीया छोरी सुशीला च्यापिएकी थिइन् ।

घर भत्किएर बालिका च्यापिएको खबर पाएपछि जिल्ला प्रहरी कार्यालयबाट खटिएको प्रहरी टोलीले सुशीलाको घाइते अवस्थामा उद्धार गरेको छ ।उनलाई उपचारका लागि प्रदेश अस्पताल पु¥याइएको जिल्ला प्रहरी कार्यालय सुर्खेतले जनाएको छ ।