डेंगुको प्रकोप बढ्दै, गण्डकीका ६ जिल्लामा उच्च जोखिम

काठमाडौं– डेंगु सङ्क्रमणको प्रकोप बढ्दै जाँदा गण्डकीका ६ जिल्ला उच्च जोखिममा परेका छन् । 

स्वास्थ्य तथा जनसङ्ख्या मन्त्रालयका अनुसार गण्डकी प्रदेश सबैभन्दा बढी प्रभावित भएको हो । पछिल्लो तथ्यांक अनुसार गण्डकी प्रदेशमा मात्र १३ हजार ८९८ जना सङ्क्रमित भेटिएका छन् । गण्डकी प्रदेशमा डेंगुका कारण ८ जनाको मृत्यु भइसकेको छ ।

प्रदेशभित्र सबैभन्दा धेरै प्रभावित जिल्लामा कास्की रहेको छ । प्रदेशमा ७ हजार १६१ सङ्क्रमित फेला परेका छन् । त्यसैगरी तनहुँमा २ हजार २२६ जना सङ्क्रमित भेटिएका छन् । इपिडिमियोलोजी तथा रोग नियन्त्रण महाशाखा (इडीसीडी) का अनुसार यसवर्ष २८ हजार २१२ सङ्क्रमित भएका भएका छन् ।

 यस्तै देशभर डेंगुबाट १२ जनाको मृत्यु भएको छ । 

काठमाडौं उपत्यकामा पनि सङ्क्रमणको दर उच्च रहेको छ । काठमाडौंमा ४ हजार ३१३ र ललितपुरमा १ हजार १११ सङ्क्रमित भेटिएका छन् । त्यसैगरी पर्वतमा १ हजार ६७७ र चितवनमा १ हजार ९९ सङ्क्रमित पुष्टि भएका छन् ।