प्रसाईंको रिटमा सर्वोच्चले सरकारसँग सोध्यो थुन्नुको कारण

काठमाडौं- दुर्गा प्रसाईंले दायर गरेको बन्दी प्रत्यक्षीकरणसम्बन्धी रिटमा सर्वोच्च अदालतले सरकारसँग कारण सोधेकोछ ।

सर्वोच्चले आइतबार प्रसाईंलाई थुन्नुको कारण सोध्दै बन्दीसहित उपस्थित हुन सरकारको नाममा आदेश जारी गरेको छ ।

साइबर अपराध मुद्दामा थुनामा रहेका मेडिकल व्यवसायी प्रसाईंको हकमा उनका छोरा निराजनले गैरकानुनी थुनामा राखिएको भन्दै बन्दीप्रत्यक्षीकरण रिट हालेका थिए ।

न्यायाधीश मनोजकुमार शर्माको इजलासले बन्दीप्रत्यक्षीकरणको रिटमा सर्वोच्चले सरकारको नाममा कारण देखाउ आदेश जारी गर्दै बन्दीसहित उपस्थित हुन भनेको छ ।