सुर्खेत जिल्ला फुटबल संघ सदस्यमा चन्द मनोनीत

सुर्खेत - लामो समयदेखि खेलकुद तथा समाजसेवाको क्षेत्रमा लागिरहेका हिक्मत चन्दलाई आज आज बसेको सुर्खेत जिल्ला फुटबल संघको बैठकले जिल्ला सदस्यमा मनोनित गरेको छ। 

चन्द युवा व्यवसायीको रुपमा पनि सुर्खेतमा चर्चित छन्। उनी फुटबल लगायत अन्य विभिन्न खेलकुद क्षेत्रमा पनि सक्रियतापूर्वक सहभागी देखाइरहेका अनुहार हुन् ।

नेपाली कांग्रेस किसान संघको प्रदेश कार्यसमिति सदस्य समेत रहेका चन्द राजनीतिमा पनि सक्रिय छन्। 

सुर्खेत जिल्ला फुटबल संघका उपाध्यक्ष ललित जंग शाहीले चन्दको सक्रियता र फुटबल प्रतिको लगावका कारणले मनोनित गरेको जानकारी गराएका छन्। 

जिल्ला भित्रका विभिन्न फुटबल गतिविधि र फुटबलको विकासमा चन्दको अग्रणी भूमिका हुनेछ भन्ने समेत हामीले आशा लिएको फुटबल संघका पदाधिकारीले बताएका छन्।