भुटानी राजाद्वारा बौद्धनाथ र स्वयम्भू स्तुपाको दर्शन

काठमाडौं – भुटानी नरेश जिग्मे खेसर नाम्गेल वाङचुकले बौद्धनाथको दर्शन गरेका छन्  । आज बिहान नेपाल आइपुगेका भुटानी नरेश वाङचुकले स्वयम्भूनाथको समेत दर्शन गरेका थिए  ।

भुटानी नरेश जिग्मे खेसर नाम्गेल वाङचुकले विश्वसम्पदा सूचीमा सूचीकृत स्वयम्भूनाथको पूजा अर्चनासहित दर्शन गरेका हुन्  ।

करिब आधा घण्टा त्यहाँ रहेको भुटानी नरेशले स्वयम्भूनाथ परिसरबाट काठमाडौँ उपत्यकाको दृश्यावलोकन गरेका थिए। 

भुटानी राजालाई त्रिभुवन अन्तर्राष्ट्रिय विमानस्थलमा स्वागत गर्न परराष्ट्रमन्त्री डा. आर्जु राणा देउवा पुगेकी थिइन्।