पत्रकार महासंघ जाजरकोटको सहसचिवमा रावल निर्वाचित

सुर्खेत - महासङ्घको जाजरकोट जिल्ला सहसचिवमा अर्पण रावल निर्वाचित भएका छन्। 

लामो समयदेखि पत्रकारितामा सक्रिय रहेका रावल खासगरी ग्रामीण भेगको जीवनशैलीलाई मिडिया मार्फत देशविदेशमा प्रचार गरिरहेका छन् । 

उनले कथा कर्णालीका भन्ने नामक फेसबुक तथा रुरल लाइफ युट्युबमार्फत विभिन्न सामग्रीहरू पस्किरहेका छन् ।

सामाजिक व्यथिति र विसंगतिका विरुद्ध दृढतापूर्वक कलम चलाउने रावल जाजरकोटमा एउटा चर्चित पत्रकारको रुपमा स्थापित छन्।

रावलले सामाजिक सञ्जाल मार्फत विभिन्न समस्यामा परेका , अङ्गभङ्ग भएका साथै उपचारको अभावमा पिल्सिरहेका नागरिकको लागि पनि निरन्तर प्रयास गरिरहेका छन्। 

पत्रकारिताको अलावा रावल कर्णालीका विभिन्न भेगमा पाइने जडीबुटी तथा रत्न पत्थरको समेत तथा व्यवसाय गरिरहेका थिए।