जडिबुटीमा रोकिराखेको बसमा स्कुटर ठाेक्किँदा २ युवकको मृत्यु

काठमाडौं - काठमाडौंको जडिबुटीमा रोकिराखेको बसमा स्कुटर ठोक्किँदा २  युवकको मृत्यु भएको छ । आज बिहान २ बजेर ५० मिनेटमा जडिबुटी पुलमा रोकिराखेको बा प्र ०१-००६ ख ४२४३ नम्वरको अरनिको यातायातको बसमा स्कुटर ठोक्किएकाे थियाे ।

कोटेश्वरबाट जडिबुटी तर्फ जाँदै गरेको लु ४३ प ४९३८ नम्बरको स्कुटर बसको पछाडीको भागमा ठक्कर ठोक्किएको जिल्ला प्रहरी परिसर काठमाडाैंका एसपी अपिलराज बोहराले बताए ।

उनका अनुसार स्कुटर बसमा गएर ठोक्किँदा स्कुटर चालक र पछाडी सवार घाइते भएका थिए । उनीहरुलाई उपचारको लागि तत्काल ट्रमा सेन्टर लगिएको थियाे । उनीहरुकाे उपचारको क्रममा मृत्यु भएको हो ।

स्कुटर चालक नवलपरासी सुनौल ०१ स्थायी घर भई हाल भक्तपुर लोकन्थली बस्ने वर्ष २२ को शिरिस पौडेल उपचारको क्रममा साढे ३ बजे ट्रमा सेन्टरमा डाक्टरले  मृत्त घोषणा गरेको उनले बताए ।

स्कुटर पछाडी सवार काभ्रेपलाञ्चोक पाचँखाल ०२ होस्के घर भएका वर्ष २३ को नितेश नेपाल,उपचारको क्रममा ट्रमा सेन्टरका ३ बजेर ४७ मिनेटमा डाक्टरले  मृत्त घोषणा  गरेकाे हो । दुबै मृत्तकको आफन्तहरु अस्पतालमा आइसकेको उनले जानकारी दिए।

घटनामा संग्लन दुवै सवारी साधन कोटेश्वर ट्राफिकको नियन्त्रणमा रहेको छ भने बस चालक जिल्ला दोलखा भि न पा ०७ स्थायी घर भई हाल काडाँघारी बस्ने वर्ष २५ को सुभाष तामाङ प्रहरी वृत बानेश्वरको नियन्त्रणमा रहेको उनले बताए ।