कुलदीप यादव बने एसिया कपको सर्वोत्कृष्ट खेलाडी

काठमाण्डौ – भारतका स्पिनर कुलदीप यादव एसिया कपको सर्वोत्कृष्ट खेलाडी बनेका छन्। फाइनलमा १ विकेट पनि लिन नसकेका यादवले प्रतियोगितमा ५ खेलमा ९ विकेट लिएका थिए ।

भारतले श्रीलङ्कालाई फाइनललाई हराएर आठौँ पटक उपाधि जित्दा कुलदीपको भूमिका महत्त्वपूर्ण रह्यो । उनले फाइनलमा १ ओभर गर्दै १ रन दिए । कुलदीपले ५ खेलमा २८ ओभर ३ बल गरे र यस क्रममा १ सय ३ रन दिँदै ९ विकेट लिए । उनले पाकिस्तानसँगको खेलमा २५ रन दिँदै ५ विकेट लिए ।

यस्तै एसिया कप क्रिकेटको उपाधि भारतले जितेको छ । श्रीलंकाको राजधानी कोलम्बोस्थित आर प्रमादासा रंगलशालामा सम्पन्न खेलमा आयोजक श्रीलंकलाई भारतले १० विकेटले पराजित गर्‍यो ।

श्रीलंकाले दिएको ५१ रनको झिनो लक्ष्य भारतले केबल ६ ओभर १ बलमा भेट्टायो । भारतका लागि शुभमन गिलले २७ र इसान किसनले २३ रन बनाए । यसअघि टस जितेर पहिले ब्याटिङ गरेको श्रीलंका ५० रनमै अल आउट भएको थियो ।

श्रीलंका १५ ओभर २ बलमा केबल ५० रनमा समेटियो । खेलमा श्रीलंकाका लागि कुशल मेन्डिसले सर्वाधिक १७ रन बनाए भने दुशन हेमन्थाले १३ रन जोडे । श्रीलंकाका अन्य ब्याटरले दोहोरा अंकमा रन बनाउन सकेनन् । भारतका लागि मोहम्मद सिराजले ६ तथा हार्दिक पाण्ड्याले ३ तथा जसप्रित बुमराहले १ विकेट लिए ।